In
1. ФИЛМОТ "ДИ ЏЕЈ АХМЕД"
Во моментов се прикажува во кино салите во Македонија, филмот што доби награда од публиката на Светскиот фестивал на филм Санденс. "Ди Џеј Ахмед" ги стопли срцата на публиката заради момчето што сака да си го промени животот, на место каде што тоа изгледа невозможно. Филмот е сниман во Македонија, на турски и македонски јазик. Режисер е Георги Унковски, а изобилува со убава фотографија, убава музика и по малку смеа. Филмот не е комедија, туку чувствителна приказна сместена во бесчувствителен век. Петнаесетгодишното момче од јуручка конзервативна средина. си ја наоѓа својата слобода преку музиката. Родена е уште една ѕвезда на филмот.
2. ЗЕМЈОДЕЛИЕ.МК ГРУП
Кога ќе видите што се се крие зад Земјоделие.мк груп (Zemjodelie.mk.group), ќе сфатите дека тоа во голема мера го надминува она што се очекува: тука не се само земјоделските производи што ги одгледуваат наши луѓе, туку и разни рачни изработки, како на пример изработките на Фроска Каракутовска, што самата раскажува: откако ги истриживме овците, цело лето работев, попарував, влечев, чешлав, за да почнам да правам се& од нејзиното величество волната: елеци, капути, капи, чорапи, ташни и шапки. Таа повикува да и‘ се јавите и да се стоплите со природната топлина на нејзините изработки.
3. УМЕТНИКОТ ЕРТУНЧ САЛИ
Треба да се следи неговата донкихотовска борба преку уметноста да пренесе порака. Така беше на изложбата насловена "Сакате ли војна",поставена во центарот Јадро, за која самиот вели дека е опсесивна изложба со опсесивни луѓе, војници креативни и бројки квантитативни. Цртежите, инсталациите и дигиталките се повеќе од изложба, уметникот е здружен со седумгодишниот Ведран Трошански што изработува оригами во форма на борбени авиони и тенкови. Уметникот го поставува прашањето кому му припаѓа културата и зборува за образување на публиката, која им врти грб на делата за кои е дојдена. Со над 1500 цртежи, тој се прогласува за "диктатор на уметноста" и објавува војна против јавните барања.
4. ОХРИД SOS
Колку му треба помош на Охрид, толку им треба на Струга и на Преспа. Токму со негрижата за културното наследство и опасноста за езерата и планините, како и старите градби што се во фаза на рушење, се занимаваат и укажуваат од СОС Охрид, Тие се неопходни за да го видиме она што инаку другите го кријат, да го видиме она што другите не го ни знаат и да реагираме заедно за нешто што е препуштено и запуштено, непознато и непосетено.
5. ТВИДОТ СЕ ВРАТИ
Твидот се врати како ткаенина од која се изработуваат капути, палта и костуми на големо задоволство на генерациите шеесетта и седумдесетта од 20 век. Твиданиоит костум прв во излогот го стави Гучи: машки краток капут и женски костум со дворедно копчање што се врати заедно со твидот. Неговата најдобра особина е што може да се комбинира со секоја боја и секој друг дезен. Карираното не се носи оваа година туку ромбови на блузите и велур. Чантите се во форма на познатата Луј Витон - кроасан чанта. Малите чанти се аут, освен ако не глумат паричник.
6. ЧОКОЛАДНАТА Е НОВАТА БОРДО
Бордо бојата или марсала или бургунди, како и да ја наречете, оваа сезона полека се претвори во боја на чоколада или какао. Таа е хит бојата. Различна од кафеавата што ја знаеме, таа е на листата на иљадници различни тонови на Пантоне палетата бои. Во нашите излози ја има во разни варијанти, на фустан, палто, капут, хулахопки и кашмирски маици: на нашата топ листа се маиците Интимисими, хулахопките Калцедонија и се‘ што може да се најде во таа боја во комбинација со ‘дивите‘ шари во Твинсет.
7. КАРЕС Е ЕСЕНСКИ ВЕСЕЛ
Карес е како продавница што го радува човек. Таму се пенкалцата во форма на животни, тетратките со пораки и дебели корици, разни флуоресцентни ламби и шарени хартии, боици за акварели, мнгоу симпатични украси за здодевно биро, украси за родендени, украсни кеси, шарени ранци и торби за пазарење со шарен дезен. Најдобро е снабдена продавницата во Сити мол. Кому му е сив денот, само нека влезе во продавницата на боите.
8. ПРЕХРАМБЕНА ШОПИНГ ЛИСТА
Неопходно е да се направи неделна листа на храна што ќе се купува со оглед на цените и квалитетот: лебот е најдобар во Пан Пан и некои ретки примероци пченкарен леб со краток рок во Кам и Тинекс, конзервираниот патлиџан е најдобар на Мути, козјото сирење на Президан, печениот сончоглед Муги во кесички е најевтин во Кам, а од сезонски производи сега се купува тиква, јаболки, чоколадата за готвење е најдобра на Дорина или со стевиа наместо шеќер пак Дорина, био производите од овес се најдобри во ДМ, портокаловата леќа и оризот од турско производство во Рамстор, јогуртот на Бимилк. Слично како со облеката, треба да се купуав малку и квалитетно: не сме толку богати да купуваме евтино.
Out
1. ДОЧЕКУВААТ НЕСПРЕМНИ
Разни служби, јавни претпријатија, миснистерства дочекуваат неспремни студ, снег, епидемии, наплив на деца во градинка, прв школски ден, дивеење на цени. Потоа, стануваат ненадлежни за отпадот, парното греење недостатокот на учебници, скапи лекови, огромни маржи на прехрамбени производи. Затоа скоро цело Скопје се мрзне без парно на 5 степени. Зашто зимата им дојде пред време и ги затекна неспремни.
2. ПОМИНА ОНА "КАДЕ Е БУЈАР ДЕНЕС"
Ова прашање го поставуваме кога поранешниот министер за надворешни работи не се прибираше во државава, зашто постојано имаше каде да се оди по светот и да се дебатира. Иако, до ден денес ниту едно надворешно прашање не е затворено. Сега, секојдневно прашуваме каде се Тимчо и Гордана денес. Исто прашање, ист резултат, само други луѓе.
3. МАКЕДОНСКА УЛИЧНА МОДА
За македонската улична мода сме зборувале многу често и таа ќе биде ставена на тапет и на отворање на новата сезона есен - зима. Во сите европски метрополи според она што се носи на улица, може да се заклучи каков стил на живот имаат граѓаните. Само кај нас ништо не може да се заклучи од една обична обиколка на градот, зашто луѓето се во автомобили или во ресторани. На улица се само оние што мораат да бидат, ученици и студенти што чекаат автобуси или вработени во администрација на пауза. Дури и кога се следи некој моден тренд, тоа е стереотипно: чантички Марк Џејкобс и најк патики за побогатите, Зара и H&M за посиромашните. Многу ретко може да се види фантазија и желба за дотерување, зашто униформираноста не спаѓа vo fantazija.
4. ДА СЕ ИСЧИСИ ЗА 72 ЧАСА
Цело лето Скопје е удавено во ѓубре. Дури и со ѓубрето научија да манипулираат иако градот личи на огромна цдепонија. Општинарите откако помина летото земаа. камиони за самите да го чистат облекоа работнички облеки им купија храна на работниците веројатно прв и пиослден пат. Јасно дека ново ѓубре се фрла а Скопје чека нови градоначалници штоќе докажат дека градот може да биде чист преку ноќ. Се разбира дека тоа е можно не за 72 туку и за 24 часа. За ова да го докажат сите сили што сега не ги впрегнуваат ќе ги створат: ќе стават слики на фб и ќе добијат мнооогу лајкови. Во меѓувреме фрлајте каде ќе стигнете и што повеќе можете. Што се неколку месеци давење во ѓубре, во однос на уште 72 часа време што ќе ги издржиме додека се чисти.
5. ПАРЛАМЕНТАРНОЛОКАЛНИ ИЗБОРИ
Не е грешка во пишувањето. Немало полоша кампања за локални избори и немало понелокална кампања за локални избори. Имало сешто, но ова немало. Парламентарнолокална! Карма каша од слогани, фотографии од планини и езера што немаат никаква врска со градовите, и на врвот на ледениот брег Орце, што веднаш поправа што и да се расипе. Но, само откако ќе биде избран. А Меџити? Тој зборува за ‘зголемување на туризмот во Чаир и за "лифт во секоја зграда‘. Нема доволно насмеан имоџи за ова да се коментира. на кандидатот на СДСМ за Делчево пак, некој треба да му каже како да си ја врзе краватата. Не се излегува онака на митинг за промоција.
6. ПОЛИТИЧКИ БЕСМИСЛИЦИ
"Целиот мој живот му го. посветив на книгата и пенкалото, и така се градев себеси", рече премиерот. Тие што му пишуваат, нека не пишуваат вакави глупости за живот посветен на пенкало. Во брзина е ставена кампањата што ветува невозможни работи со вклучување уште поневозможни зборчиња и ветувања како ‘‘мега", "скопски зелен архипелаг", во склоп на што се сместуваат сите неверојатни мега паркови и ‘скопскиот зелен архипелаг‘ сo педест мали паркови, така се темпираат мегаломанските ветувања како што кампањата се ближи кон крајот. Со оглед на се‘, очекуваме да биде ветена највисока зграда во Европа. Се‘ има да биде ултра и мега.
7. КЕЈОТ НА ВАРДАР ВО АЕРОДРОМ
Полеваат коров наместо трева и дрвја! Тоа може да се забележи по должината на кејот на Вардар во населбата Аеродром. Целата земјена патека покрај реката што цело лето беше раскопана, сега е обрасната во коров. Зелените површини околу кејот се потполно суви, а сите клупи и канти за ѓубре уништени и невозможни за употреба. Голем број дрвја се исушени и така оставени, а тревите се високи и суви. Таму не се сликаат кандидатите што бараат втор мандат.
8. УВОЗ НА ХРАНА
Најскапата храна во светот кога ќе се компарира со стандардот на луѓето се продава кај нас. Увозот на храна е очигледен зашто ние веќе не јадеме ниту локален зеленчук и овошје. Се бараат пазари што продаваат поевтино за да може што поголеми маржи да е стават и да се продава храна со сомнително потекло фрлена во супермаркетите како во контејнер. Многу често храната мириса. на средства за хигиена заради чување во ист магацин, сместена во кутии, расфрлена во фрижидери, ставени на најслабо, па може да се одмрзнува и замрзнува. Така, увозната. храна што ја преплаќаме е од најнизок квалитет, за да има највисока цена. Она што е навистина квалитетно, не може да го купи ниту 10 отсто од населението.
