Не можете ни да замислите што се крие зад името Крцкај, нели? Не крцка само корката од свежо печен леб, а не крцка ни само вратата што не е подмачкана и креветот на федери. Крцка и тестото од една пица што ја има само на едно место во градот, во местото со креативен и единствен наслов <a href="https://www.instagram.com/krckaj?igsh=c2Q1bnE2ZXA3ZzRq">КРЦКАЈ</a>!



Кристијан зборува дури ја приготвува оригиналната пица. Ред тесто, ред доматен сос, ред кашкавали, ред парченца од месо. И да не заборавиме, тука е и <a href="https://mk.wikipedia.org/wiki/%D0%8F%D0%B0%D1%80%D0%B4%D0%B8%D0%BD%D0%B8%D0%B5%D1%80%D0%B0">џардиниера</a>. Последново, е прераскажано подолу во текстот. Вели дека кога го регистрирал бизнисот, вработената му кажала дека пооригинално име нема слушнато. Но, тоа е малку да се каже кога се зборува за она што го приготвува на чистата површина на која нема ништо друго освен она што му е потребно да го финишира крцкавиот круг што го реди внимателно: ред доматно пире што самиот го приготвил, ред чедар и гауда и, на крајот, бидејќи кај нас нема италијански колбас, неговата варијанта на месни парченца што ги прави од мелено месо и зачини! Го кажа местото од каде што го купува квалитетното месо, но тоа не е тајната на месните топчиња што ја красат пицата што не личи на италијанската. Нема тесто што вообичаено ја заокружува содржината. Од проста причина што тука не се прави италијанска туку чикашка пица, или прецизно речено ова е CHICAGO THIN CRUST TAVERN STYLE пица. Како што рековме, тајната состојка во меленото месо не е само љубов туку и анасон! Не оној што го замислувате ѕвездест за чаеви, туку ситни парченца зачин што прави чудо во вкусот.



<figure class="wp-block-image size-full"><img loading="lazy" decoding="async" width="1536" height="2048" src="https://redakcija.nulta.mk/wp-content/uploads/2026/05/701370720_27088524447456127_6799212498553504222_n.jpg" alt="" class="wp-image-15728"/></figure>



<figure class="wp-block-image size-full"><img loading="lazy" decoding="async" width="1576" height="2048" src="https://redakcija.nulta.mk/wp-content/uploads/2026/05/701716545_27088524534122785_5887168471048348023_n.jpg" alt="" class="wp-image-15729"/></figure>



<figure class="wp-block-image size-full"><img loading="lazy" decoding="async" width="1125" height="1696" src="https://redakcija.nulta.mk/wp-content/uploads/2026/05/700015212_27088526884122550_8885969443625500377_n.jpg" alt="" class="wp-image-15737"/></figure>



<figure class="wp-block-image size-full"><img loading="lazy" decoding="async" width="1125" height="1689" src="https://redakcija.nulta.mk/wp-content/uploads/2026/05/701312352_27088527470789158_5134799928083619312_n.jpg" alt="" class="wp-image-15738"/></figure>



<h2 class="wp-block-heading">ТАА ЧИКАШКАТА, ОРИГИНАЛНАТА</h2>



Додека чекаме да биде готова оригиналната пица (на мени има седум различни варијанти и три сендвичи) ни прават друштво Кира и Тамара, семејството на Кристијан. Сопругата и мало тригодишно девојче што би сакало во околината на Крцкај да има своја лулашка каде што ќе ѝ поминува времето, додека нејзините родители им го прават животот на луѓето поубав со убава храна.



Кристијан за себе вели: Јас сум готвач! 



Но не е било каков готвач, туку со идеја, со визија и со желба да направи нешто што го нема во градот. И со искуство, што е можеби најважно. Работел на повеќе места каде што можел да научи плус од она што може да се научи на факултетот Гастрономија, исхрана и диететика. Не, не сака да биде инспектор за храна, туку сака да прави храна. Очигледно успешно и оправдано.



За тајните на тестото, за останатите тајни состојки, за квалитетот и вкусовите главно не се расправа. Се вкусуваат. И додека го сече кругот на коцки, раскажува за чикашката пица и нејзината историја. Зошто оваа пица не се сече на триаголници туку на коцки и како воопшто настанала. Во времето на прохибицијата во Америка, причините не биле ниту малку романтични. Сопствениците на барови сакале да ги натераат луѓето да пијат повеќе пиво и им измислиле храна за задржување на внимание и време, што истовремено била и вкусна. Коцките се залачиња што брзо се јадат, онаа храна на масата за која што велат дека е лапни голтни, што бара уште, не само пиво туку и уште залаци.



Но во Крцкај, приказната е многу поромантична од чикашката, зашто нема многу врска со желбата да се точи повеќе пиво, колку да се гледа воодушевувањето на луѓето од нешто што не пробале дотогаш. Да се понуди нешто што го нема во градот.



<h2 class="wp-block-heading">ПРИЈАТЕЛСКО КРЦКАЊЕ</h2>



За сите што не се љубители на инстант здрава храна и не веруваат премногу во волшебната чиа, ова е најздравата пица на светот. Не е фаст фуд зашто долго се спрема, а кратко се прави. Тестото е едвај неколку милиметри, а останатите слоеви се природни, поприродни не може да бидат. Причината е едноставна. Сѐ е приготвено на лице место и нема готови сосови од тегла или винилна кеса. Она што би сакале да го крцкаме кога ќе ни дојдат пријателите на гости, она што би сакале да го крцкаме кога сме несреќни и нерасположени или многу весели. А иде и лето, а со него и многу фудбал за тие што гледаат. Или одмор што нема да биде на море туку во некоја скопска сенка на трева, каде што ќе се делат залачињата меѓу пријатели и семејство.



Крцкај не било замислено како место за седење, но Кристијан вели дека луѓето бараат да си седнат и да каснат на лице место, што ни го докажа и еден странец што си ја нарача пицата и си ја изеде надвор на столица на расклопување. Си ја изеде до крај, со насмевка го врати послужавникот и си замина. Тоа се луѓето што на гугл мапите си наоѓаат места во градот што им недостасуваат. Така се препознаваат странците од далеку.



Зошто оваа пица е нешто посебно? Изгледа како нешто меѓу алзашкото <a href="https://en.wikipedia.org/wiki/Flammekueche">тарт фламбе</a> (tarte flambée), за тие што го пробале, и италијанската пица. Но она што е дел од составот на тестото е палентата измешана со брашно, маслиновото масло, малку квасец и 24 часа мирување. Се добива ферментирано тесто со помала хидратација. Во Чикаго, ова тесто го развлекувале и го сушеле, технологија што и во Крцкај ја имаат на ум за во иднина. Оригиналноста на пицата е довршена со обилен слој мешавина од ајдамер, чедар и на крајот дожд од пармезан, парченца домашна туршија (џардиниерата што ја споменавме на почетокот) и парченца месо &#8211; комбинација од мелено месо зачинето со тајниот зачин анасон. Земаш добри состојки и гледаш да не ги расипеш е едноставен принцип за добар производ што се продава не за да се заработи, туку да се понуди квалитет. Затоа атрибутите на крцкавата пица се вкусна, квалитетна и оригинална.



<figure class="wp-block-image size-full"><img loading="lazy" decoding="async" width="1906" height="2048" src="https://redakcija.nulta.mk/wp-content/uploads/2026/05/701213657_27088525617456010_4654177451687288348_n.jpg" alt="" class="wp-image-15731"/></figure>



<h2 class="wp-block-heading">ИМААТ СЀ, ФАЛИТЕ САМО ВИЕ</h2>



Приготвувањето на пицата може да се гледа. Ништо не е скриено во кујна зад врата. Тоа е посебно задоволство за секој што е љубител на убава храна. Покрај другото, ова е забавно јадење што може да се јаде само со раце, на детски начин, нежно, потсетува на сит и лагоден живот. Тука нема ни трунка кулинарска рамнодушност. Кога храната се прави не за да се заработи или да се профитира, туку за да се подели задоволство и да се ужива во задоволниот гостин, тогаш имаме хит. Иако оваа пица е инспирирана од американската кујна од каде што доаѓа рецептот, таа значително се разликува од пристапот на оваа кујна којшто не е претерано внимателен и станува фабрички, со прилагодување на секоја состојка што ја сочинува пицата. Така се губи секоја логика на пазарот што се труди да заработи, а не се грижи за квалитетот.



Можете да го погледнете менито што обично подолго се чита отколку што на крајот ќе се јаде, но најдобро е да се соочите со тој што ја приготвува храната. Ќе се соочите со регенерација на вкусови и тоа не само кулинарски. Во седум различни пици, од таа со ребро и кромид, до таа посната, и со три сендвичи, од тој со ребро и ромеско сос, до тој со хумус и печурки. Има и прилози од тегличките што ги спрема Кристијан. Сѐ е навистина рачно направено, навистина домашно. На крајот на краиштата храната никако не смее да биде маргинализирана, а моќта на готвачот е во тоа со многу малку да направи многу. 



И, ако решите залачињата да ги јадете пред зграда, сѐ ви имаат кажано самите: имаат пица веројатно доволно за сите и за делење, имаат пиво, имаат сонце, имаат гласна музика, фалите само вие&#8230;



Адресата е булевар АСНОМ 64, локал 4, нас. Аеродром



Гугл секако ќе ви помогне &#8211; локацијата е <a href="https://maps.app.goo.gl/UQ3coALkenkjoWVR6">тука.</a> Има и пица за јадење и пица за носење и <a href="https://wolt.com/mk/mkd/skopje/restaurant/krckaj?srsltid=AfmBOopyKoYLPJ9JWzwLMWxHLjj_E7po32Fp0Cf0voWkqMkGNXYhWgR1">пица за достава.</a>



<figure class="wp-block-image size-full"><img loading="lazy" decoding="async" width="1125" height="1742" src="https://redakcija.nulta.mk/wp-content/uploads/2026/05/701420593_27088526194122619_7592936151790870498_n.jpg" alt="" class="wp-image-15732"/></figure>



<figure class="wp-block-image size-full"><img loading="lazy" decoding="async" width="1125" height="1428" src="https://redakcija.nulta.mk/wp-content/uploads/2026/05/701409106_27088525107456061_6656898531634622201_n.jpg" alt="" class="wp-image-15733"/></figure>



<figure class="wp-block-image size-full"><img loading="lazy" decoding="async" width="1125" height="1742" src="https://redakcija.nulta.mk/wp-content/uploads/2026/05/701307666_27088527137455858_2876029053909917857_n.jpg" alt="" class="wp-image-15734"/></figure>



<figure class="wp-block-image size-full"><img loading="lazy" decoding="async" width="1124" height="1732" src="https://redakcija.nulta.mk/wp-content/uploads/2026/05/700871685_27088525094122729_1923797928774801720_n.jpg" alt="" class="wp-image-15735"/></figure>



<figure class="wp-block-image size-full"><img loading="lazy" decoding="async" width="1125" height="1700" src="https://redakcija.nulta.mk/wp-content/uploads/2026/05/701470335_27088527300789175_5359457446150037329_n.jpg" alt="" class="wp-image-15736"/></figure>

Името му е КРЦКАЈ а атрибутите оригиналност, квалитет и фантазија

пишува Офелија Димковска

Можеби ќе ти се допадне

Фестивал кој не се труди да биде за сите

Интервју, Дина Дума: Како да снимаш нечиј живот без да го сведеш на симбол