Mike Holober и Националниот џез оркестар носат голема оркестарска џез приказна на сцената на Националната опера и балет. Станува збор за голема оркестарска партитура, музичко патување составено од „имагинарни писма“, интимни и моќни музички размислувања за светот во кој живееме. Во ова дело современиот џез се преплетува со оркестарска драматика, силна емоција и богата звучна текстура, создавајќи музика која истовремено е и интелигентна и длабоко човечка.



<figure class="wp-block-image size-full"><img loading="lazy" decoding="async" width="300" height="168" src="https://redakcija.nulta.mk/wp-content/uploads/2026/03/мај.jpg" alt="" class="wp-image-13673"/></figure>



Понекогаш е доволна една вечер за да почувствувате дека сте дел од нешто поголемо од секојдневието. Тогаш, кога музиката не е само концерт, туку настан што ја отвора сцената кон светот, а вие дел од искуство за кое не е нужно да сте посебен џез фан, туку е доволно да сакате врвни и убави нешта. &nbsp;На 18 март, во Националната опера и балет, Скопје ќе има ретка можност да го слушне „This Rock We’re On: Imaginary Letters“, амбициозното и високо пофалено дело на GRAMMY номинираниот американски композитор, пијанист и диригент Mike Holober, изведено од Националниот џез оркестар, под диригентство на самиот автор.



Оценет од престижниот DownBeat Magazine како „еден од најзначајните современи композитори и аранжери на нашето време“, Holober е автор чија музика со години се изведува на големите концертни сцени. Неговите композиции се дел од репертоарот на престижни европски ансамбли како WDR Big Band од Келн и hr-Bigband од Франкфурт, а во текот на кариерата соработувал со музичари кои ја дефинираат современата џез сцена – меѓу нив Kurt Rosenwinkel, Avishai Cohen, John Scofield и Randy Brecker.



Во Скопје ќе биде претставено токму неговото најново и најамбициозно дело – „This Rock We’re On: Imaginary Letters“, композиција која критиката ја опишува како „монументално ремек-дело“ и „мајсторска лекција по современа композиција“.



Станува збор за голема оркестарска партитура, музичко патување составено од „имагинарни писма“, интимни и моќни музички размислувања за светот во кој живееме. Во ова дело современиот џез се преплетува со оркестарска драматика, силна емоција и богата звучна текстура, создавајќи музика која истовремено е и интелигентна и длабоко човечка.



Посебна димензија на концертот дава фактот што Holober лично ќе ја диригира изведбата, водејќи го оркестарот низ сопствената музичка визија. Токму ваквите моменти – кога композиторот стои пред оркестарот и ја оживува сопствената партитура – се ретки и возбудливи за секоја публика.



Дополнително вечерта ќе ја збогатат нашите солисти Андријана Јаневска (вокал), Кирил Јосифов (виолончело) и Влатко Нушев (вибрафон и перкусии).



Со овој концерт Националниот џез оркестар уште еднаш потврдува дека во Скопје може да се слушне музика што обично одекнува на големите европски сцени. За љубителите на џезот тоа е вистински празник, а за сите останати – совршена можност да се влезе во светот на современиот џез преку дело кое остава без здив, &nbsp;со својата енергија, драматика и раскошен звук.



Затоа, 18 март не е само датум во концертниот календар. Тоа е вечер кога публиката ќе може да биде дел од живо музичко искуство, &nbsp;голема оркестарска приказна напишана за овој свет, за „карпата на која стоиме“.



Билетите за концертот може да се набават online на MKTickets и на продажните места на MKTickets.



Билети со 50% попуст за студенти и пензионери ќе бидат достапни на денот на концертот, еден час пред почетокот, на билетарницата на Националната опера и балет, со приложување соодветен документ. Билетите може однапред да се резервираат на:&nbsp;<a href="mailto:info@jazzorchestra.mk" target="_blank" rel="noreferrer noopener">info@jazzorchestra.mk</a>



За Мајк Холобер 



Mike Holober е американски џез пијанист, композитор, аранжер и диригент, номиниран за GRAMMY, чие творештво се вбројува меѓу најзначајните во современиот оркестарски џез. Неговата музика ја изведуваат престижни ансамбли како WDR Big Band (Келн) и hr-Bigband (Франкфурт), а соработувал со музичари од светски ранг – Kurt Rosenwinkel, Avishai Cohen, John Scofield, Randy Brecker. Холобер е познат по тоа што лично диригира свои дела на големи сцени, создавајќи уникатен дијалог со оркестарот. Тој е петкратен добитник на MacDowell Fellowship, гостин на Yaddo и Ucross, и автор на композиции нарачувани од институции како Филаделфискиот музеј на уметноста и Westchester Jazz Orchestra. Професор на City College of New York, тој истовремено предава композиција и аранжирање на Manhattan School of Music, а неговите дела се препознатливи по комплексна оркестрација, современ џез израз и драматична звучна енергија.

ГОЛЕМО МУЗИЧКО ПИСМО ДО СВЕТОТ „СЛЕТУВА“ ВО СКОПЈЕ:This Rock We’re On: Imaginary Letters на GRAMMY номинираниот Мајк Холобер на концерт со нашите џезери

ГОЛЕМО МУЗИЧКО ПИСМО ДО СВЕТОТ „СЛЕТУВА“ ВО СКОПЈЕ:This Rock We’re On: Imaginary Letters на GRAMMY номинираниот Мајк Холобер на концерт со нашите џезери

пишува Ана Василевска

Можеби ќе ти се допадне

ЈАЗИКОТ НА ЦВЕЌЕТО И ЦВЕТОТ ВРЕДЕН ЗЛАТО

Крајот на една гастрономска ера: случајот на Рене Реџепи